آر ایس ایس فیڈ
قبائلی علاقے باجوڑ ایجنسی کے مرکزی علاقے خار میں عسکریت پسندوں نے ایک گاڑی پر اندھا دھند فائرنگ کر کے دو خواتین اساتذہ کو ہلاک اور دو دیگر افراد کو زخمی کر دیا۔ مقامی حکام نے بتایا ہے کہ سٹرک کے دونوں اطراف پہلے سے گھات لگائے شدت پسند خودکا ر ہتھیاروں سے گاڑی پر فائرنگ کرنے کے بعد موٹر سائیکل پر وہاں سے فرار ہونے میں کامیا ب ہو گئے۔
فائرنگ کے اس واقعہ کے بعد سکیورٹی فورسز نے علاقے کو گھیرے میں لے کر حملہ آوروں کی تلاش شروع کر دی۔ واضح رہے کہ طالبان جنگجو خواتین کی تعلیم کے حصول کے خلاف ہیں اور وہ اس سے قبل سکولوں کو بھی نشانہ بناتے رہے ہیں۔
