آر ایس ایس فیڈ
ایران کے اعلیٰ قانون سازوں نے ایران کے ایٹمی پروگرام کے بارے میں خدشات دور کرنے کے مقصد سے اقوامِ متحدہ کی حمایت میں ہونے والے یورینیم کی افزودگی کے معاہدے کو مسترد کر دیا ہے۔
پارلیمنٹ کی قومی سلامتی کی کمیٹی کے سربراہ نے ہفتے کے روز سرکاری میڈیا کو بتایا کہ کمیٹی یورینیم کو مزید افزودگی کے لیے بیرونِ ملک بھیجنے کے منصوبے کے خلاف ہے۔ ایران نے جوہری توانائی کے بین الاقوامی ادارے آئی اے ای اے کو ابھی تک اپنا سرکاری جواب نہیں دیا ہے۔
انھوں نے مزید کہا کہ اس کی کوئی ضمانت نہیں ہے کہ اس کے بدلے میں ایران کو معاہدے کے مطابق ایٹمی ایندھن ملے گا۔
اطلاعات کے مطابق ایران نے آئی اے ای اے سے کہا ہے کہ ایران اپنا افزودہ یورینیم بیرون ملک بھیجنے سے پہلے اپنے ری ایکٹر کے لیے جوہری ایندھن چاہتا ہے۔
