آر ایس ایس فیڈ
اطلاعات کے مطابق ایران نے یورینیم کی افزودگی سے متعلق اقوامِ متحدہ کی ثالثی میں تیار کردہ منصوبے کو مسترد کردیا ہے۔
تہران کے ساتھ مذاکرات سے قریبی طور پر منسلک ایک مغربی عہدے دار نے کہا ہے کہ ایران نے اقوامِ متحدہ کے بین الاقوامی جوہری توانائی کے ادارے کو بتایا ہے وہ وہ اپنی یورینیم کو کم درجے پر افزودہ کرنے کے لیے ملک سے باہر بھجوانے کا منصوبہ قبول نہیں کرے گا۔
اس تجویر کا مقصد ایران کو یورینیم کی اس سطح تک افزدوگی سے روکنا تھا جسے جوہری ہتھیاروں کے لیے استعمال کیا جاسکتا ہے۔ اس منصوبے پر مذاکرات میں شامل دوسرے فریق، امریکہ، روس اور فرانس پہلے ہی متفق ہوچکے ہیں۔
جوہری توانائی کے عالمی ادارے نے کہا ہے کہ اس منصوبے پر انہیں ایران کا ابتدائی ردعمل موصول ہوگیا ہے لیکن انہوں نے اس بارے میں کوئی تفصیل نہیں بتائی۔
یورپی یونین کے راہنماؤں نے جمعے کے روز ایران پر زور دیا کہ وہ یہ معاہدہ قبول کرلے۔ انہوں نے کہا کہ اس سے اعتماد سازی کے عمل میں مدد مل سکتی ہے۔
