کولافوس، کولپس، کولَپ سے کوُب تک کا سفر
خبر ہے:
Libya has begun several days of celebrations to mark the 40th anniversary of the coup that brought Moammar Gadhafi to power
یعنی لیبیا میں معمر قذافی کے اقتدار میں آنے کی چالیسویں سالگرہ منائی جا رہی ہے اور اس سلسلے میں کئی روز تک جشن ہوگا۔ (مسٹر قذافی نے 1969 میں شاہ ادریس کا تختہ الٹ کر عنانِ حکومت سنبھالی تھی)
آج کا لفظ ہے: coup
اس کا مطلب ہے انتہائی ہوشیاری سے کوئی اقدام کرنا یا تیزی سے، اور اچانک وار کرنا جو کامیاب ہو۔
پرانی یونانی میں ایک لفظ تھا، کولا فوس ۔ اس کا مطلب تھا طمانچہ۔ جب کہ مڈل لاطینی کا کولپس پرانی فرانسیسی میں جا کر بن گیا کولپ۔ پندھرویں صدی کی فرانسیسی میں اس کا مطلب تھا کاٹنا یا وار کرنا۔ جدید انگریزی میں لفظ ہے coup لیکن بولنے میں اس کا p خاموش ہے چنانچہ اس کا تلفظ ہوگا: کوُ
اس صفحے پر آپ کو انگریزی کے بارے میں بنیادی معلومات دی جائیں گی۔ ہم انگریزی زبان کی ایک خبر منتخب کریں گے اور اس کا اردو میں ترجمہ پیش کیا جائے گا اورمشکل انگریزی الفاظ کی تشریح پیش کی جائے گی۔ آپ انگریزی زبان اور گرامر کے بارے میں اپنے سوالات ہمیں اس پتے پر ای میل کر سکتے ہیں
lafz@voanews.com
