Muqdisho: Madaafiic iyo Dagaallo dhimasho dhaliyay

Madaafiic xooggan iyo dagaallo saaka ka dhacay Muqdisho ayaa dhaliyay dhimasho iyo dhaawac kala duwan

Waxa qoray Abdirahman Ali | Washington Talaado, 27 October 2009

Ugu yaraan 4-qof oo ra'yid ah ayaa ku dhintay, 15 kalena  way ku dhawacmeen dagaallo iyo madaafiic ku dhacday qeybo ka mida xaafado ku yaal magaalda Muqdisho.

Dagaalladan ayaa Saaka waaberigii mar kaliya ka bilwday qaybo kamid ah Wadada Makka Al Mukarrama ee magaalada Muqdisho halkaasi oo ay fariisimo ku leeyihiin Ciidamada dowladda KMG ee Soomaaliya iyo kuwa AMISOM ,

Wararka ayaa sheegaya in dagaalku bilowday kadib markii Xoogaga hubaysan ee ka soo horjeeda dowladda KMG ay weerar ku qaadeen fariisimaha Ciidamada AMISOM iyo kuwa dowladda KMG ay ku leeyihiin Wadadaasi.

Sidoo kale  dagaalladii maanta ayaa hakad galiyay isu socodka dadka gaadiidka iyo ganacsigii suuqa bakaaraha oo ay ku dhacday madaafiic waxaana la xiray waddada makka al- mukarrama.

Dagaalladaan ayaa ku soo aaday xili madaxweyne shariif sheekh axmed dalka dib ugu soo laabtay.

• E-mail 
• Daabaco