VOA waxay idiin soo gudbinaysaa barnaamijyo xiriir ah oo looga hadlayo soo ifbixii iyo dhicitaankii kacaankii 21-ka October
Maxamed Siyaad Barre
Todobaadkan barnaamijka Faaqidaadda waxaan idinku haynaa laba barnaamij oo qeyb ka ah barnaamijyo xiriir ah oo afar qeybood ka kooban oo aan ku eegayno soo if-bixii iyo dhicitaankii kacaankii 21-ka Octobar.
Qeybta koowaad waxaad ku maqli doontaan qaabkii uu u dhacay afgambigii uusan dhiigu ku daadan iyo sidii loo qorsheeyay. 21-kii bishii October 1969-kii oo ku beegnayd maalin salaasa ah ayaa ciidamada Militariga iyo kuwa Boliiska oo iskaashayanaya ay la wareegeen dhismayaashii dowlada oo ay ku jirto Radio Muqdisho.
Qeybta labaad waxaan idinku haynaa qaabkii ay dowladii hanta-wadaagu u suurtagalisay hirgalinta qoraalka Af-Somaaliga iyo waliba caqabahadaha ka horyimid dowladaasi, caqabadaasi waxaa ugu muhiimsanaa tuhunkii soo kala dhexgalay saraakiishii Afganbiga ka danbeysay oo qaarkood la sheegay inay diideen in Sareeyo Gaas Maxamed Siyaad Barre uu hogaanka qabto.
Laba qeybood ee kale waxaad maqli doontaan maalinta isniinta ah iyo maalinta salaasada ah.
Qeybta koowaad iyo labaad waxaad ka dhagaysan kartaan qeybta hoose ama midigta sare ee boggan.
Waa Barnaamij ay Dhagaystayaashu su'aallo ku weydiiyaan mas'uuliyiinta iyo qeybaha bulshada.
Kuwa kale
