Wicitaanka Dhagaystaha iyo Guddoomiyaha Barlamaanka Sh. Adan Madoobe

Washington   Axad, 28 June 2009

Guddoomiyaha Barlamaanka Dawladda Federaalka Ku-meel-gaarka ah ee Soomaaliya Sheekh Aadan Maxamed Nuur, oo loo yaqaan Sheekh Adan Madoobe ayaa difaacay go'aankii ay xukuumaddu ku gaartay in ay codsato faragalin millatari, kadib markii uu dagaal culus kaga yimid kooxaha ka soo horjeeda oo garabsanaya waxa ay ugu yeereen ajaanib soo duulay.

Guddoomiye Adan Madoobe, oo ka hadlayay barnaamijka Wicitaanka Dhagaystaha oo maalin walba oo Axad ah ka baxa VOA-da ayaa sheegay in caalamku haatan garawsaday khatarta ka jirta Soomaaliya oo in badan laga digay.

Guddoomiyuhu waxa uu sheegay in tan iyo markii ay soo saareen baaqooda ay jawaab lagu qanco ay ka heleen beesha caalamka, isaga oo meesha ka saaray in ay ku hungoobeen codsigoodii.

Madaxwaynaha Dawladda Federaalka Ku-meel-gaarka ah ee Soomaaliya Shariif Sheekh Axmed ayaa todobaadkii hore saxiixay guddoon oo soo hordhigay golaha xukuumadda kaasoo dalka galinaya xaalad deg-deg ah isla markaana ay xukuumaddu ku codsatay in gacan millatari laga siiyo dagaalka ay kula jirto kooxaha mayalka adag ee dagaalka kula jira.

Barnaamijka Wicitaanka Dhagaystaha oo Dhamaystiran ka dhagaysto midigta sare ee boggan.

• Dhegayso 
• E-mail 
• Daabaco 
• Faalladaada 

Faalladaada (0)

Gudbi

* * Lagama maarmaan (Required)