RSS
Ciidamada amaanka ee garoonka diyaaradaha Aadan Cadde ee magaalada Muqdisho ayaa gacanta ku dhiagay Hal Milyan oo doolar oo been abuur ah.
Gudaha Airpor-ka ayaa lagu soo bandhigay lacagtaan doolarka been Abuurka ah ee loo yaqaano lacagta Madow taas oo ahyed xirmo lagu soo duubay kartoon islamarkaana lagu soo riday boorso waxaana halkaasi goob joog ka ahaa Wasiiro iyo saraakiisha Amaanka booliska dowlada iyo kuwa Amisow.
Wasiirka lacagta ee DKMG, Eng C/raxmaan Cumar Cusmaan (Yariisoow), oo goobtaasi ka hadlay ayaa sheegay in lacagtan ay qabteen Ciidamada Amaanka xilli ay si sharci dara ah kaga dhoofi laheyd garoonka magaalada Muqdisho wuxuuna sheegay in la doonayay in howlo argagixiso lagu fuliyo ka dib marka laga dejiyo Magaalada Hargeysa oo loo waday, waxuuna dhinaca kale amaan ujeediyey Ciidamada dowlada ee iyagu ku geelaystay inay gacanta ku dhigan lacagtaasi.
Inkasta oo lacagaha been abuurka ah la soo bandhigay hadana dowlada suurta gal uma noqon inay ogaato shaqsiyaadka lacagtaasi watay waxaana arintaasi ka hadlay Afhayeenka Booliska C/laahi Xasan Bariise oo sheegay in lacagtan ay ku jirto boorso amma shandad uu watay qof rakaab ah isla markaana ay dhar badan ka sareeyeen lacagta, waxaana uu tilmaamay in dadkii waday uu qorshahoodu ahaa in ay boorsadaasi diraan hase ahaate markii ay dareemeen in la fahmay ayaa la waayay meel ay mareen.
Dowlada ayaa sheegtay in ay horay u qabatay daawo ah kiimikada lagu dhaqo lacagtaaasi si loogu ekeysiiyo dollar .
Waa barnaamijyo taxane ah oo ku saabsan dhalinyarada maanta iyo dagaallada.
Waa Barnaamij ay Dhagaystayaashu su'aallo ku weydiiyaan mas'uuliyiinta iyo qeybaha bulshada.
Kuwa kale
