Xisbul-Islam oo gudoomiye u magacaabay Hiiraan

Xisbul-Islam oo ka mid ah kooxaha ku sugan magaalada Beledweyne ayaa maanta magacaabay gudoomiyaha gobolka Hiiraan

Waxa qoray VOA Somali | Washington, DC Isniin, 09 November 2009

Sheekh Shuuriye Faarax Sabriye ayaa maanta ururka Xisbul-Islaam u magacaabeen inuu noqdo gudoomiyaha gobolka Hiiraan.

Shuuriye wuxuu sheegay in Xisbul-Islam ay isaga magacaabeen, balse wuxuu ka gaabsaday inuu sheego in Al-Shabaab oo iyaduna ku sugan Beledweyne ay raali ka yihiin magacaabistiisa iyo in kale.

Sheekh Shuuriye, wuxuu sheegay in ururada Xisbul-Islam iyo Al-shabaab ay mabda'iyan midaysan yihiin isla markaana uusan jirin qilaaf ka jira Hiiraan.

Magacaabistan ayaa waxaa la sheegay inaan lagala tashan qeybaha kale duwan ee bulshada gobolka Hiiraan.

Wareysiga Sheekh Shuuriye ay VOA la yeelatay midigta sare ee boggan ka dhagayso.

• Dhegayso 
• E-mail 
• Daabaco