RSS
Gurukota rezvemari, VaTendai Biti, vanoti nyika haisi kuwana rubatsiro rwemari kubva kumasangano anopa mari, sezvo masangano aya ari kutyira kuti mari iyi inogona kushandiswa nenzira isiri kwayo nebhanga guru renyika.
VaBiti vanonzi vakataura mashoko aya nechipiri pavaipindura mibvunzo kunhengo dzedare reparamende pamusoro pekuvandudzwa kuri kuda kuitwa mutemo we RBZ Act.
VaBiti vanonzi vakati kana nyika ichada kupihwa mari, inofanirwa kushandura mashandiro ayo, sezvo masangano anobatsira ari kutanga abvunza kuti mari idzi dzichapinda seyi munyika zviri pamutemo.
Hurumende inoti inoda mari inosvika $US10 billion dollars kuti hupfumi hwenyika husumutsiridzwe.
Studio 7 haina kukwanisa kutaura naVa Biti kuti vanyatsojekesa zviri kuitika panyaya dzemari.
Patience Rusere weStudio7 aita hurukuro nenyanzvi yakazvimirira, VaRejoice Ngwenya, kuti tinzwe pfungwa dzavo pamusoro penyaya iyi.
Dzimwe Nhau Kubva KuStudio 7...
Tagadzirisa chimiro chepeji rine nhau dzedu kuitira kuti murerukirwe pakuwana nhau, mashoko, mifananidzo, zvirongwa zveVOA nezvimwe zvamunenge muchida.
Tumirayi tsambambozha dzenyu muchitiudza zvamunofunga pakero yetsambambozha iyi: studio7@voanews.com
