RSS Feed
Umphathintambo obona ngezemali uMnumzana Tendai Biti uthi uhulumende uyehluleka ukuthola uncedo lwemali oluvela kwamanye amazwe ngoba amazwe la esesaba ukuthi imali yawo ingacina ingena kubhanga elikhulu lelizwe i Reserve Bank of Zimbabwe, ibisisetshenziswa ngendlela engafanelanga.
Ekhuluma phambi kwedale lephalamende eliphatheke ngokuguqula umthetho we RBZ UBiti uthi kufuneka inguquko ekusebenzeni kwebhanga leli ukuze ilizwe lenelise ukuhuga abakwamanye amazwe ukuthi balethe imali kanye lamabhizimisi abo kweleZimbabwe, kungela kwesaba.
UMnumzana Samukele Hadebe yingcwethi ecubungula ezombusazwe. UHadebe utshele uBrenda Moyo weStudio 7 ukuthi ibhanga lelizwe akumelanga lingenele ekusebenzeni kwengatsha zikahulumende, limele likhangele kuphela inhlelo zemali lokusebenza kwamabhanga.
Lapho elilakho ukulalela uhlelo lwenu lula kanye lokubala izindaba lenhlelo zonke zeVOA. Lilakho njalo ukusithumela imibono yenu ephathelane lelikufuna kube khona ebulenjini kanye lakuhlelo lwenu lwesiNdebele ngokusibhalela kukheli ethi studio7@voanews.com.
