RSS Feed
Umthethwandaba waphezulu lamuhla unqume ukuthi kufanele uMnu. Peter Hitschman, owafunyanwa elecala lokugcina izikhali eziyingozi, aphe ubufakazi lapho kuthethwa icala lika Mnu. Roy Bennett, owetheswa icala elifanayo, kanye lelokufuna ukugenqula umbuso ka mongameli Robert Mugabe.
Icala lika Bennett lizaqala ukuthethwa kusasa, njalo umthethwandaba uphe amagqwetha akhe imvumo yokuthi asebenzise ubufakazi bokuthi uMnu. Hitschmann, wahlukuluzwa kakhulu esezandleni zamapholisa, njengalokhu abakade bekufuna.
Igqwetha elikhulu lesizwe, elitshutshisa kuloludaba, uMnu. Johannes Tomana, obefuna izikhalazo zamagqwetha kaBennett zonke zilahlelwe khatshana, utshele istudio 7 ukuthi akusenani, sokumele kulandelwe isinqumo esenziweyo.
Igqwetha lika Mnu, Hitschman, uMnu. Mordecai Mahlangu, utshele uSithandekile Mhlanga we studio 7 ukuthi usekhulume laye uHitschman, yena osezimisele ukuyakupha ubufakazi emthethwandaba.
Lapho elilakho ukulalela uhlelo lwenu lula kanye lokubala izindaba lenhlelo zonke zeVOA. Lilakho njalo ukusithumela imibono yenu ephathelane lelikufuna kube khona ebulenjini kanye lakuhlelo lwenu lwesiNdebele ngokusibhalela kukheli ethi studio7@voanews.com.
