RSS Feed
Umthethwandaba waphezulu weHigh court eHarare uqale ukuthonisa icala lika Senator Roy Bennett isiphathamandla secele le MDC elikhokhelwa nguMnu. Morgan Tsvangirai, owetheswa icala lokufunyanwa elezikhali eziyingozi.
Kube lokuphoselana aqatha
emthethwandaba eHarare ngoMvulo ngesikhathi kusungulwa ukuthoniswa kwecala
lika Bennett, njalo igqwetha likahulumende elikhulu, uMnu. Johannes Tomana nguye
obetshutshisa. U Bennett uzamiswa njalo emthethwandaba
ngolweSithathu kuyonale iviki.
Ekhuluma emhlanganweni wokwazisa abasekeli bakhe ngesinqumo sakhe sokubuyela kuhulumende womanyano ngeSonto, uMnu. Tsvangirai uthe kufanele u Bennett aphathwe ngemfanelo, engabi ehlukuluzwa, njalo engabi ethonisiswa ngoba kusobala ukuthi icala lakhe ngelokubunjelwa.
USithandekile Mhlanga we Studio 7 uxoxe lomsekeli wesikhulumi secele le MDC elikhokhelwa nguMnu. Tsvangirai, uNkosazana Thabitha Khumalo wambuza ukuthi ibandla lakhe lithini ngokwenzakale ngoMvulo emthethwandaba ekuthonisisweni kuka Bennett.
Lapho elilakho ukulalela uhlelo lwenu lula kanye lokubala izindaba lenhlelo zonke zeVOA. Lilakho njalo ukusithumela imibono yenu ephathelane lelikufuna kube khona ebulenjini kanye lakuhlelo lwenu lwesiNdebele ngokusibhalela kukheli ethi studio7@voanews.com.
