RSS Feed
Umphathintambo obona ngenhlelo zokuthuthukisa inotho yelizwe, uMnu. Elton Mangoma usungule uhlelo lokuthuthukisa umnotho oluthiwa yi Mid-Term Plan. Loluhlelo lwelama olwe Short Term Economic Recovery Plan obeluyilo olukade lusetshenziswa lokhu kwabunjwayo uhulumende womanyano.
UMangoma, ongowecele leMDC elikhokhelwa nguMnu. Morgan Tsvangirai
utshele intathelizindaba eHarare ngoMvulo ukuthi uhlelo olutsha oluzaqala
ukusetshenziswa ngoZibandlela lukhangelelwe ukufeza inhlelo ezinengi ezizaletha
inguquko kwezokutholakala kwemisebenzi lokutholakala kokudla elizweni.
Kodwa umsekeli kanobhala jikelele wenhlanganiso yezisebenzi, iZimbabwe Congress Of Trade Unions, uMnumzana Japhet Moyo utshele uChris Gande weStudio 7 ukuthi inhlelo zikahulumende kazisebenzi ngoba kumele kuqale kulungisiswe ezombusazwe.
Lapho elilakho ukulalela uhlelo lwenu lula kanye lokubala izindaba lenhlelo zonke zeVOA. Lilakho njalo ukusithumela imibono yenu ephathelane lelikufuna kube khona ebulenjini kanye lakuhlelo lwenu lwesiNdebele ngokusibhalela kukheli ethi studio7@voanews.com.
